རྩར་མ་བསྟན་འཛིན་བསོད་ནམས།   སྤྱི་ལོ ༡༩༧༨ ལོར་སྐྱེས། རྡ་ཤོད་བོད་ཕྲུག་ཁྱིམ་སྡེ་དང༌། རྡ་སྟེང་བོད་ཕྲུག་ཁྱིམ་སྡེ་བཅས་སུ་སློབ་གཉེར་བྱས། སྤྱི་ལོ་༡༩༩༦ ལོ་ནས་རྒྱ་གར་རྒྱལ་ས་ལྡི་ལི་ནས་ཚན་རིག་ཐོག་ལོ་བཞིའི་མཐོ་རིམ་སློབ་གཉེར་མཐར་སོན་བྱུང༌། སྤྱི་ལོ ༢༠༠༣ ལོ་ནས་བཟུང་འདི་ག་བོད་ཀྱི་དཔེ་མཛོད་ཁང་གི་ཚན་རིག་སྡེ་ཚན་ནང་ལས་ཞུགས་བྱས་པ་དང༌།  ད་ལྟའི་བར་དགེ་འདུན་པ་ཚོར་ཚན་རིག་ཟབ་སྦྱོང་གོ་སྒྲིག་དང༌། ཚན་རིག་བོད་སྒྱུར་གྱི་ལས་འཆར་སྣ་མིན་ཞིག་སྤེལ་བཞིན་པའི་རྐང་འགན་འཁུར་བཞིན་ཡོད། དུས་མཚུངས་སུ་འདི་ནས་གསར་སྤེལ་བྱེད་བཞིན་པའི་ཟླ་གསུམ་ཚན་རིག ཚགས་པར་གྱི་རྩོམ་སྒྲིག་པའི་འགན་འཁུར་བཞིན་་པ་བཅས་སོ།།
mail: science@ltwa.net

སྒོ་དམར་སངས་རྒྱས་བཀྲ་ཤིས།   སྤྱི་ལོ ༡༩༨༢ ལོར་བོད་དུ་སྐྱེས་ཤིང་ས་གནས་ཀྱི་སློབ་གྲྭར་འགྲིམས། ༡༩༩༧ ལོར་རྒྱ་གར་དུ་འབྱོར་ནས་སུ་ཇ་བོད་ཕྲུག་ཁྱིམ་སྡེ་དང༌། རྡ་སྟེངབོད་ཕྲུག་ཁྱིམ་སྡེ་རུ་གཞི་རིམ་སློབ་སྦྱོང་བྱས། སློབ་གྲྭའི་རྩོམ་རིག་ཚགས་པར་གངས་ཟླའི་རྩོམ་སྒྲིག་ལས་རོགས་བྱས་མྱོང༌། ༢༠༠༦ ལོར་ས་རཱ་བོད་ཀྱི་མཐོ་རིམ་སློབ་གཉེར་ཁང་ནས་གནས་རིམ་དང་པོའི་མཐོ་རིམ་རིག་གནས་རབ་འབྱམས་པའི་བསླབ་པ་མཐར་སོན་བྱུང༌། སྔ་ཕྱིར ་ མཚོ་འགྲམ་གྱི་ཁང་ཆུང་ དང༌། ཚན་རྩལ་རིག་པའི་སྤྱི་བཤད་ བཅས་འགྱུར་རྩོམ་དེབ་ཕྲེང་གཉིས་འདོན་སྤེལ་བྱས།  དཔྱད་རྩོམ་དང་། བརྩམས་སྒྲུང་། སྙན་ངག་སོགས་གྲངས་ལྔ་བཅུ་བརྒལ་བ་དུས་དེབ་དང་ཚགས་པར་མང་པོར་བཀོད། ད་ལྟ་བོད་ཀྱི་དཔེ་མཛོད་ཁང་གི་ཚན་རིག་སྡེ་ཚན་ཁོངས་སུ་ལས་ཞུགས་ཀྱིས་་ ཚན་རིག ཚགས་པར་གྱི་རྩོམ་སྒྲིག་ལས་རོགས་དང༌། བོད་ཀྱི་ཚན་རིག་དུས་དེབ་ ཀྱི་རྩོམ་སྒྲིག་པ་བཅས་བྱེད་བཞིན་ཡོད།།
mail: tsjournal@ltwa.net